БАГЫН НОМ
БАГЫН НОМ
Баатруудыг нь <сайн муу> талынх гэж
Гэрийн даалгаварт магадлан танилцаад
Багшийг асуухад зvйтэй хариулж
Онцсайн тавиулж явсан
Бага насны хайртай номоо
Эргvvлж нэг уншиж vзлээ
Бараг л vг бvхэн дээр
Эргэж нэг тогтож бодлоо
Жижигхэн модон хувин бариад
Жинхэнэ бvлгийн бургилаас хутгах гэж
Дэгдэж явахдаа дамжин гишгэдэг
Дэнж нуурын хөвөөний довнууд шиг
Эрдмийн булаг уруу дамжин хvрсэн
Эгэл дотно өгvvлбэр нь
Урьд багын янзаараа
Ухаан санаа тэлсээр байна.
Балчирхан vедээ нутагаасаа гараад
Бараагvй алсад сууж байгаад
Уугуул нутагтаа харьсан шиг
Уран баян нь тэгш байна
Гоёлын дээлээ мялаалгаж явсан
Манай хот айлынхан шиг
Гол баатрууд нь бvр нэг л
Эртний танил хэвээрээ байна
Бага насны хайртай номоо
Тэгж нэг уншиж vзээд
Бараг л vг бvхэн дээр нь
Ингэж нэг тогтож хараад
Хөгжилтэй насны найзуудтайгаа
Хөтөлцөөд гvйсэн шиг боллоо байна
Айлын айлын буурал өвгөддөө
Айлчлаад очсон шиг санагдлаа байв.
Анх гишгэсэн уул усандаа
Амьдрахаар зорьсон шиг догдоллоо байна.
1973 он.
МУСГЗ, зохиолч, яруу найрагч З.Доржоос Ардын уран зохиолч Ц.Дамдинсvрэнд зориулан бичсэн шүлэг.