UNDP

Хөдөө аж ахуйн дэмжлэг, урамшууллын судалгааны тайлан-д салбарын бодлого, хөтөлбөр, арга хэмжээг хэрэгжүүлэхэд зарцуулсан улсын төсвийн урамшуулал, дэмжлэгийн хэрэгжилт, өнөөгийн байдалд дүн шинжилгээ хийж, улмаар эдийн засаг, нийгэмд үзүүлэх нөлөөллийн судалгааг тусгасан болно. Тус тайланд оруулсан бодлогын санал, зөвлөмжүүдийг салбарын бодлого боловсруулагчид, шийдвэр гаргагч нар ашиглах боломжтой юм. Тус тайланг Европын Холбооны санхүүжилттэйгээр НҮБХХ-ийн хэрэгжүүлж буй “Монгол Улсад Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн хүрээнд боловсруулав.

Салбар: Мэдээллийн технологи
Мэргэжил: Цахим үйлчилгээний ажилтан
Чадамжийн нэгж: КОМПЬЮТЕР АШИГЛАХ

Хөгжлийн бэрхшээлтэй иргэнд мэргэжил олгох, хөдөлмөр эрхлэхэд дэмжих зорилгоор МБС-ын чадамжид суурилсан сургалтын хөтөлбөр (ЧССХ)-т нийцүүлэн багш суралцагчийн гарын авлагыг Европын Холбооны санхүүжилтээр Нэгдсэн Үндэстний Байгууллагын Хөгжлийн хөтөлбөрийн хэрэгжүүлж буй “Монгол Улсад Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн хүрээнд боловсруулав.